Os novos contaxios en España volven superar os 900 nas últimas 24 horas
O Ministerio de Sanidade informou de 905 novos contaxios de covid-19 nas últimas 24 horas, co que a cifra total de infectados elévase a 280.610 desde o inicio da pandemia e a de falecidos a 28.436, con 6 novos decesos no últimos sete días.
Nestas últimas 24 horas notificáronse 50 contaxios máis que os rexistrados o domingo (855) e volven superar os novecentos casos, como sucedeu os pasados xoves (971) e venres (922).
Dos novos casos, 357 rexistráronse en Aragón, 147 en Madrid e 126 en Cataluña.
Ademais, segundo os datos facilitados a Sanidade polas comunidades, este luns detectáronse, mediante probas PCR, 99 novos casos no País Vasco, 40 en Navarra, 38 en Andalucía, 26 na Comunidade Valenciana, 18 en Murcia, 12 en Castela e León, 11 en Cantabria, 6 en Estremadura, 5 en Castela-A Mancha, 3 en Asturias, 2 nas Canarias e outros tantos na Rioxa.
En canto aos falecidos, Sanidade informa de 6 mortos nos últimos 7 días (2 en Cataluña e o resto en Castela e León, a Comunidade Valenciana, Madrid, País Vasco) e eleva o total desde o inicio da pandemia a 28.436, 2 máis dos que informou onte.
Continúa crecendo o número de novos casos diagnosticados nos últimos 7 días, que este martes alcanza a cifra de 13.116 (12.829 contabilizados onte luns), dos que máis da metade se rexistraron en Cataluña (5.460) e Aragón (2.638).
O resto foron detectados en Madrid, con 1.381; País Vasco (849), Comunidade Valenciana (637), Navarra (570), Andalucía (562), Murcia (289), Castela-A Mancha (155), Castela e León (146) e Galicia (123).
Por baixo do centenar de novos casos no citado período atópanse as Baleares, con 77; A Rioxa, con 60; as Canarias, con 57; Estremadura, con 49; Cantabria, con 42; Asturias, con 21.
Por outra banda, Sanidade informou que desde o inicio da pandemia necesitaron atención hospitalaria 126.586 persoas, das 386 ingresaron en centros hospitalarios nos últimos 7 días.
Ademais, neste período tiveron que ser atendidos nas unidades de coidados intensivos 19 enfermos de covid-19, o que eleva o total ata os 11.759 pacientes que ingresaron nas UCI.