Esta mañá, pais e nais de toda Galicia achegáronse ás portas das escolas infantís públicas para deixar aos seus cativos.

Hai nervios e preocupación entre os pais e os profesionais. As familias teñen concertada unha hora de entrada. No primeiro día, os pais acompañan aos nenos. Estes teñen calzado exclusivo para a escola, e non haberá interacción entre as aulas.

Tanto a Xunta como as propias escolas elaboraron un listado de normas orientadas a frear o acceso do virus ás instalacións educativas. Lavar as mans polo menos 5 veces ao día, distanciamento social, uso de máscara, xoguetes estratexicamnente repartidos ou lapis de uso individual son só algunhas delas.

En total, son 7.649 nenos de entre 0  e 3 anos os chamados a iniciar o curso este  venres na comunidade galega. O número de matriculados é inferior á de anos anteriores pero que o goberno autonómico  entende que aumentará nas vindeiras semanas.

O 10 de setembro comezan as clases os nenos de cuarto e quinto de Educación Infantil, de Educación Especial e de primeiro, segundo e terceiro de Educación Primaria. O día seguinte, incorporaranse os de sexto de Educación Infantil  e de cuarto, quinto e sexto de Educación Primaria.

O 16 de setembro tócalles aos estudntes de  primero  e segundo de Educación Secundaria,  primero de  Bacharelato  e  primero de Formación Profesional de grao medio e superior.

O 17 serán os alumnos de Educación Secundaria, segundo de  Bacharelato  e segundo de Formación Profesional media  e superior os que regresen. E o 18, os alumnos de cuarto de Educación Secundaria e FP básica.