Médicos de atención primaria da área da Coruña entregaron esta mañá no rexistro da xefatura territorial de Sanidade 280 sinaturas, recollidas en 35 centros de saúde da zona.

Avalan tres solicitudes concretas: que a consellería de Sanidade recupere a estrutura de xestión da atención primaria, que aumente o presuposto un 15 %, ata chegar ao 25 % do total; así como propoñer un contrato temporal para os médicos, máis atractivo ca o actual.