Máis do 60% cento do prezo dos combustibles son impostos. Isto significa que se, por exemplo, imos encher o depósito con 50 euros pois estariamos pagando aproximadamente 31 euros de taxas indirectas.

Agora mesmo, o tipo de combustible máis utilizado, a gasolina de 95 octanos, está a 1,52 euros o litro. Estes valores colocan Portugal entre os 10 países co combustible máis caro. Hong Kong e Noruega están á cabeza, pero, como xa imaxinan, son países cun poder adquisitivo moitísimo maior que Portugal.

Isto non é un dato que pase desapercibido ao cidadán portugués, que xa comeza a amosar o seu descontento e increméntase a cantidade de condutores que cruza a fronteira para ir botar combustible ás nosas gasolineiras, onde, efectivamente, poden aforrar ata 20 céntimos por litro.