CRTVG

Buscar

Os hoteis de Pontevedra non logran superar o 15 % de ocupación esta Semana Santa

Publicado o 03/04/2021 15:28

Non tiñan moitas esperanzas e finalmente cumpríronse os peores presaxios para o sector túristico esta Semana Santa. A ocupación hoteleira na provincia de Pontevedra quedou reducida a entre un dez e un quince por cento.

A media do sector é terrorífica porque cidades como Vigo ou Pontevedra, este festivo, están baleiras.

Reclamos turísticos como Sanxenxo, que deixou sen abrir o 90 por cento dos seus hoteis, ou Baiona e Cangas, sufriron o baixón nas reservas. E cidades como Vigo ou Pontevedra rexistraron moi pouca actividade.

O sector tenta consolarse co comportamento dos restaurantes e das terrazas, así como do turismo rural, este último con cifras do 30 por cento de ocupación. Así e todo, sinalan a mobilidade no futuro como a clave da reactivación dos negocios.

Os hostaleiros galegos xa poñen os seus ollos no verán esperando a que remate canto antes unha Semana Santa que esperan esquecer de inmediato.

Noticias web

03/04/2021