Non se rexistran falecementos por covid nunha xornada de suba lixeira dos casos activos
Publicado o 15/10/2021 20:57
Os casos activos soben lixeiramente (+6) con respecto ao día anterior. En total, hai 472 persoas con coronavirus en Galicia.
Tamén aumenta o número de casos detectados por probas diagnósticas (+21) máis do dobre dos que foran notificados onte. En concreto, 37 contaxios novos.
Por áreas sanitarias, a repartición de casos activos é a seguinte:
Vigo: 87 (=)
A Coruña: 153 (+6)
Pontevedra: 27 (+1)
Santiago: 72 (+8)
Ourense: 71 (-2)
Lugo: 51 (-9)
Ferrol: 11 (+2)
A ocupación hospitalaria, pola súa parte, diminúe tanto na UCI como en planta. Hai 7 persoas en coidados intensivos (-3) e 31 en planta (-2). Con todo, o Sergas non notificou falecementos por mor da covid, polo que a cifra mantense en 2.646 decesos desde o inicio da pandemia.