Dous anos despois poderemos ver de novo esta imaxe. Se nada cambia, haberá barracas no San Froilán, logo de que a alcaldesa decidira autorizalas a menos dunha semana das festas. Unha decisión que xerou tensións no bipartito do Concello. A socialista Lara Méndez di que o feiral é positivo para reactivar a economía local. A nacionalista Maite Ferreiro, que asegurara que o que poida ocorrer nas festas será responsabilidade da alcaldesa, mantén a súa negativa co argumento da seguridade.

Por se fose pouco, esta mañá algúns feirantes aseguraban que os técnicos municipais están rexeitando a instalación dalgúns postos de comida no feiral. Se iso non cambia, din, non acudirán ao San Froilán.

Todo iso a tan só tres días do inicio previsto da montaxe das barracas e a cinco do pregón inaugural.