Tiñan a pedra máis dura no camiño e os Estados Unidos impuxeron a súa lei derrotando a España por 95-81. 

No primeiro tempo a selección española soñou e chegou a ter unha máxima vantaxe de 10 puntos. Foi entón cando Kevin Durant espertou e os Estados Unidos chegaron ao descanso co marcador equilibrado (43-43). 

Na segunda metade mudou a tendencia e os norteamericanos colleron as primeiras vantaxes do partido diante dunha España na que Ricky Rubio se quedou loitando case en solitario. Rubio fixo un partido descomunal con 38 puntos.

Ricky e Sergio Rodríguez estiveron sensacionais na zona exterior do ataque, pero os Estados Unidos dominaron a pintura e acabaron gañando con claridade.