Os Estados Unidos chegan aos 9.851.717 casos confirmados de covid-19 e rexistran 237.019 falecidos, segundo o reconto independente da Universidade Johns Hopkins.

Ás 22:00 hora local (3.00 GMT do domingo) o balance é de 994 mortes máis ca o venres e de 124.372 novos contaxios. Nova York, malia que xa non é o estado co maior número de contaxios, segue como o máis golpeado no tocante a mortos, con 33.680.

Ségueno Texas, con 19.146; California, con 17.957; A Florida, con 17.100, e Nova Jersey, con 16.425.

Por outra banda, no referente aos contaxios, Texas suma 984.908; California, 969.038; A Florida,  837.077, e Nova York é cuarto, con 525.608.