Os datos da auga encorada en Galicia esta semana dan conta dun volume de 2.783 hectómetros cúbicos, un 86,43% da capacidade total.

Esta cifra aumentou case un 5% sobre a semana anterior e segue crecendo coas chuvias das últimas 48 horas.

Estes datos contrastan cos que ofrecían os encoros galegos o ano pasado, con 1.897 hm3. e menos dun 60% da capacidade total, cifra que é a media dos últimos 10 anos.

Na imaxe vemos como aliviaba na tarde deste sábado 21 de decembro de 2019 o seu depósito o encoro de San Martiño, en Quiroga, na provincia de Lugo.