O incremento de contaxios rexistrado nas últimas horas na zona de Vigo reflíctese tamén nos datos dos centros educativos.

O balance facilitado polas autoridades sanitarias reflicte que esta área sanitaria segue incrementando o número de positivos e rexistra a día de hoxe valores moi similares a Ourense, a zona de Galicia que focaliza a máxima incidencia da covid-19.

Os centros, institutos e escolas infantís da comunidade contan este xoves con 639 casos confirmados que permanecen aínda en activo.

Esta situación obrigou a pechar 23 aulas e un punto de atención á infancia.

Precisamente, as instalacións que se sitúan nas zonas de influencia de Ourense e Vigo aglutinan máis da metade dos positivos de Galicia.

A primeira destas áreas, a ourensá, conta con 153 contaxios e cinco aulas pechadas, ademais do PAI de Boborás.

No entanto, puido abrir as súas portas a escola infantil Santa Ana de Celanova, tras permanecer clausurada case dúas semanas debido aos casos de covid-19 detectados no centro.

O IES O Couto, con nove positivos; o CPR Plurilingüe Luis Vives, con oito; o CPR Plurilingüe Sagrado Corazón e o IES nº1 do Carballiño, con sete, mantéñense como os gromos máis graves neste momento.

A área de Vigo, pola súa banda, ascende ata os 130 positivos confirmados, que obrigan a manter sete aulas pechadas.

Os centros con maior número de contagios son o IES Antón Alonso Ríos de Tomiño, con oito positivos, e o CPR Plurilingüe San José de Cluny, con seis casos.

Os seguintes puntos con maior incidencia son a área da Coruña, con 105 positivos en activo (cinco máis que onte) pero só dúas aulas pechadas nas escolas infantís de Arteixo e A Laracha.

A continuación sitúase Santiago, con 104 positivos e tres unidades clausuradas.

O resto de casos danse na área de Pontevedra, con 67 positivos e dúas aulas pechadas; Lugo, con 44 positivos e catro aulas pechadas; e en Ferrol con 36 casos.

Novos centros con casos de covid-19

Os novos centros nos que se detectaron casos de covid-19 son a escola infantil Arlequín en Ourense, o IES Loureiro Olmo de O Barco, o CPR Plurilingüe Montespiño de Culleredo ou o IES Urbano Lugrís de Malpica de Bergantiños.

Tamén o IES Leixa de Ferrol, IES Campo de San Alberto de Noia, o IES Terra de Xallas de Santa Comba, a CEE Manuel López Navalón e IES Arcebispo Xelmírez II de Santiago ou o CPI de Bembibre de Val do Dubra.

Finalmente, localizáronse no CEIP A Ponche, de Lugo, o CPR Plurilingüe Divino Mestre, CPR Plurilingüe San José, IES Ánxel Fole, IES Lucus Augusti, o CEIP Plurilingüe A Gándara de Monforte; o CPR Plurilingüe San Fermín de Caldas de Reis, o IES Gonzalo Torrente Ballester de Pontevedra,  CEIP de Vilaxoán de Vilagarcía de Arousa; o  CEIP Plurilingüe Pena de Francia de Mos, o CIFP Valentín Paz Andrade e o CPR Martín Codax de Vigo.

En Galicia contabilízanse 639 casos en centros educativos, 31 máis que o mércores

O impacto da pandemia do coronavirus nas escolas infantís e centros de educación non universitaria de Galicia mantén a súa tendencia expansiva e xa se contabilizan 639 casos, 31 máis que o mércores, o que se traduce en 23 aulas pechadas, catro máis.

Tamén aumentaron os centros educativos nos que se contabiliza polo menos un positivo por covid-19, concretamente 359, dez máis que no anterior reconto.

En cambio, é só un centro, o punto de atención á infancia de Boborás, o que permanece pechado, ao reabrir a escola infantil María Ana de Celanova.

En todas as áreas sanitarias creceron os contaxios activos, agás na de Pontevedra.