O mes de xullo está a ser moi caluroso e iso xa está a repercutir no consumo da auga que está a ser máis alto do habitual. Algúns concellos da provincia de Pontevedra xa requiren aos seus veciños que limiten o uso da auga.

No Rosal restrinxen o consumo máximo diario a 600 litros por vivenda e só para uso doméstico. Na Cañiza prohibiron regar xardíns e hortas con auga da traída. Tui fai un chamamento á responsabilidade despois de que se disparara o consumo de auga nas últimas semanas.

Co mercurio dos termómetros máis alto do habitual, non é de estranar que a xente ateigue os areais para mitigar estas temperaturas.