Veciños de 9 localidades do rural galego veranse afectados polo peche de oficinas bancarias de varias entidades. En concellos como Campo Lameiro tan só tiñan unha sucursal.

O día a día de veciños e comerciantes verase totalmente trastocado por esta decisión. Para eles é un servizo imprescindible.

Sobre todo a xente maior terá serias dificultades para poder trasladarse a outra oficina.

Alcaldes das distintas forzas políticas uníronse para intentar frear os peches con accións de protesta. Din que se trata dunha decisión inxusta.

O concello de Campo Lameiro convocou unha protesta para venres 27 e declarará o presidente de Abanca Juan Carlos Escotet persoa non grata.