Os casos activos seguen baixando, pero aumentan os contaxios
• A ocupación hospitalaria descende tanto en UCI como en planta (-8)
• Baixan os casos activos en todas as áreas sanitarias, agás en Ourense (+2)
Os casos activos seguen descendendo por debaixo dos 2.000 na xornada de hoxe. En total, hai 1.819 persoas con coronavirus en Galicia, 107 menos que o día anterior.
Pola súa parte, hai 86 novos casos detectados por probas diagnósticas, 38 máis ca o día anterior, o que supón un aumento importante dos contaxios.
Por áreas sanitarias, a repartición de casos activos é a seguinte:
Vigo: 344 (-28)
A Coruña: 462 (-43)
Pontevedra: 130 (-9)
Santiago: 264 (-8)
Ourense: 225 (+2)
Lugo: 343 (-13)
Ferrol: 51 (-8)
En canto á ocupación hospitalaria, esta segue baixando (-8). Hai 23 persoas hospitalizadas en coidados intensivos (-1) e 56 en planta (-7). Con todo, o Sergas notificou dous falecementos por mor da covid-19, que aumentan o número aos 2.623 decesos desde o inicio da pandemia.