Os casos activos xa andan polos 600 e hai menos de 40 persoas hospitalizadas
• Descende a ocupación hospitalaria en UCI e en planta
Os casos activos continúan baixando (-59) e xa hai 620 persoas con coronavirus en Galicia.
Os contaxios, pola súa parte, aumentan con respecto ao día anterior. En total, detectáronse 33 (+2) casos novos por probas diagnósticas.
Por áreas sanitarias, a repartición de casos activos é a seguinte:
Vigo: 117 (-13)
A Coruña: 160 (-11)
Pontevedra: 52 (-4)
Santiago: 68 (-11)
Ourense: 112 (-6)
Lugo: 99 (-12)
Ferrol: 12 (-2)
Canto á ocupación hospitalaria, esta diminúe en UCI (-2) e en planta (-3). En total, hai 38 persoas hospitalizadas, 12 en coidados intensivos e 28 en planta. O Sergas, por outra parte, non notificou este xoves falecementos por mor da covid−19, polo que os decesos mantéñense en 2.640 desde o inicio da pandemia.