Os casos activos rozan os 1.200, a menor cifra rexistrada en máis dun ano
• Soben os contaxios detectados por probas diagnósticas (+2)
• A ocupación hospitalaria mantense igual á do día anterior
Os casos activos seguen descendendo en Galicia (-103) e xa rozan os 1.200. En total, hai 1.207 persoas con coronavirus en Galicia, o menor número rexistrado de casos activos desde o 14 de agosto do ano pasado.
Con respecto aos positivos por probas diagnósticas, detectáronse 33 contaxios, dous máis dos que se detectaran na xornada anterior.
Por áreas sanitarias, a repartición de casos activos é a seguinte:
Vigo: 242 (-19)
A Coruña: 377 (-25)
Pontevedra: 82 (-10)
Santiago: 154 (-21)
Ourense: 197 (-1)
Lugo: 226 (-15)
Ferrol: 29 (-2)
En canto á ocupación hospitalaria, mantense igual ca o día anterior: 17 persoas en UCI e 41 en planta. Da mesma forma, o Sergas non notificou novos falecementos por mor da covid-19.