Os casos activos baixan da barreira dos 500 e retoman o seu descenso
• A ocupación hospitalaria diminúe na UCI e en planta
Os casos activos seguen baixando e xa están por debaixo dos 500. En total, 495 (-13) persoas teñen coronavirus en Galicia.
Os contaxios tamén descenden con respecto ao día anterior (-2). En total, foron detectados 31 casos novos por probas diagnósticas.
Por áreas sanitarias, a repartición de casos activos é a seguinte:
Vigo: 97 (-5)
A Coruña: 152 (-3)
Pontevedra: 31 (=)
Santiago: 68 (-2)
Ourense: 72 (-3)
Lugo: 66 (-3)
Ferrol: 9 (+3)
A ocupación hospitalaria diminúe tanto en coidados intensivos (-1) como en planta (-5). En total, hai 45 persoas hospitalizadas, 9 en UCI e 36 en planta. Con todo, o Sergas notificou o falecemento dunha muller con coronavirus, o que eleva o número de vítimas a 2.643 desde o inicio da pandemia.