Os casos activos baixan a niveis non vistos dende outubro: 4.953
• As hospitalizacións caen por debaixo das 500, son 48 menos ca onte
• A taxa de positividade das PCR, tamén en mínimos: 1,71 %
A curva dos casos mantén a súa tendencia á baixa. Segundo o Sergas, hai 4.953 casos activos, 254 menos ca onte. É a cifra máis baixa dende mediados de outubro.
Por áreas sanitarias, a repartición de casos é a seguinte:
A Coruña: 1.612 (-99)
Vigo: 842 (-29)
Pontevedra: 722 (-31)
Santiago: 554 (-15)
Lugo: 456 (-44)
Ferrol: 487 (-25)
Ourense: 280 (-11)
A presión hospitalaria redúcese
No que respecta ás hospitalizacións, hai 488 persoas nos hospitais galegos, 48 menos ca onte. Son 383 en planta (-48) e 105 nas Unidades de Coidados Intensivos (=). Así, a presión hospitalaria está en niveis de comezos de xaneiro.
Onte o Sergas notificou o falecemento de catorce persoas por mor do coronavirus nos últimos días. Isto eleva a cifra de vítimas a 2.252 no que vai de pandemia.
Poucos novos casos e baixa positividade
Segundo os últimos datos do Sergas, fixéronse 4.090 probas PCR (-784), das cales deron positivo 70, a menor cifra no que vai de pandemia. Istro revela unha positividade moi baixa: 1,71 %, tamén a menor dende que Sanidade informa dos positivos por PCR.