Incendio na rúa María Berdiales, no centro de Vigo. O lume orixinouse o mércores á tarde na cociña dun bloque de vivendas. Os veciños alertaron aos servizos de emerxencias. Ata alí desprazouse o servizo de bombeiros para apagar o lume. A Policía Nacional e a Policía Local cortaron a rúa para que o camión puidese traballar sen problemas. Afortunadamente, non se rexistraron danos persoais.