Os betanceiros sacaron os disfraces ás terrazas para celebrar un Entroido de confinamento por todo o alto. Catro DJs organizaron unha sesión vermú multitudinaria á que estaba convidada a vila enteira. A música chegou a cada rúa a través do streaming.

Pero non todo foi bailar. Os impulsores da iniciativa aproveitaron a festa para animar á xente a facer unha doazón a favor da Cruz Vermella a través dunha conta solidaria e a colaborar nunha campaña de recollida de alimentos nos supermercados que se desenvolverá o dez de maio.

Todo o mesmo día que o concello betanceiro decidiu suspender a feira medieval, prevista para o mes de xullo.