Medra a tensión entre Noruega e as frotas pesqueiras europeas. O país nórdico decidiu rebaixar ata un 30 % a cota de bacallau aos pescadores comunitarios, tras o 'brexit'. Os armadores van demandar nos tribunais esa medida unilateral.

Acusan a Unión Europea de inacción na defensa dos intereses dos armadores comunitarios. Temen que se repitan situacións semellantes ás que se viviron nos 90 coa crise do fletán.

Estiman que a mediados de setembro chegarán ao novo tope de capturas fixado por Noruega se non hai antes solución.