Custan menos de 20 euros e caben no peto. Calquera persoa maior de 18 anos pode mercar un spray de gas pementa. O seu uso está restrinxido á autodefensa en circunstancias de perigo inminente, do contrario podería haber consecuencias penais. En pandemia, son os artigos máis vendidos nas armerías.

Este establecemento vigués naceu como armería en 1982, pero a falta de remuda xeracional nesta práctica está a decantar o negocio por outras. As limitacións impostas pola crise sanitaria aceleran a caída das vendas.

O mundo da pesca, aínda coas mesmas restricións horarias e de mobilidade, vai gañando terreo na reconversión das armerías tradicionais.