No Celta todos están pendentes de Okay Yokuslu. O internacional turco xogou onte un amigable en Istambul ante Croacia. Pois nese partido xogou un positivo en covid-19, o central croata Vida.

Uns días antes do partido todos os xogadores croatas deran negativo na PCR que lles realizaron. Onte pola mañá fixeron outra PCR pensando xa no partido contra Suecia do vindeiro sábado. Os resultados desta nova proba chegaron ao descanso do Turquía-Croacia e aí Vida deu positivo. Non saíu na segunda metade e foi illado, pero xa se abrazara con xogadores e rivais. Agardamos que non contaxiase a ninguén.