O xurado continúa coas deliberacións sobre o caso do crime de Diana Quer. As nove persoas que o integran están recluídas e non teñen un prazo límite de tempo para emitir un veredicto, polo que nada apunta a que a decisión vaia ser rápida.

Despois de máis de dous días de reclusión e discusión entre os cinco homes e catro mulleres que o integran, polo momento non hai unha decisión.

Son moitos os datos para analizar tras once días de xuízo, con 50 testemuñas e 40 peritos, con visións enfrontadas.