Os resultados dos últimos test PCR realizados a xogadores e traballadores do Fuenlabrada deron como positivos a 12 novos casos. Catro están en Madrid e non tiveron ningún contacto desde o partido contra o Elxe (17 de xullo). Os outros oito casos están na Coruña e, malia levar illados seis días, deron positivo por coronavirus. 

Entre os 12 novos casos había dous que xa pasaran a enfermidade con anterioridade e volveron a dar positivo no último test. Por outra parte o xogador que onte foi hospitalizado segue en planta con sintomatoloxía "non grave".