O virus da COVID-19 non só flota no aire, senón que está alí "vivo", e ademais pode contaxiar a unha distancia maior de 1,8 metros, segundo un estudo da Universidade da Florida, que primeiro tivo que atrapar o patóxeno sen matalo para poder chegar a esa conclusión, segundo explican o  virólogo John Lednicky e a química Arantza Eiguren-Fernández.

"Se (unha persoa) detecta un  SARS- CoV-2 viable ("vivo") no aire, iso significa que existe o risco de desenvolver a covid-19 se inhala ese aire. Ata o de agora, outros recolleran o virus do aire, pero non puideron cultivalo (sen matalo). Normalmente, trátase dun problema técnico", precisou  Lednicky. 

Indicou que moitos dos virus que flotan no aire non son viables. "Están 'mortos' debido á luz  ultravioleta da luz solar, ou talvez porque se secaron, ou porque hai químicos no aire que os  inactivan, ou unha combinación destes", subliñou Lednicky, quen liderou a investigación de UF.

Lednicky salientou que xa se sabía que o virus podía "flotar" no aire, pero que o importante da súa investigación "é que demostramos que o virus é viable ("vivo", que pode infectar), porque un  SARS- CoV-2 morto non causará covid-19".