O sector turístico español retrocede a niveis de hai 25 anos e acaba de poñerlle cifras ao impacto da covid-19 nesta actividade. Exceltur fixa en 106.000 millóns de euros a caída da actividade do turismo español en 2020. Isto supón que o sector reduciu ata o 4,3 por cento a súa contribución ao PIB, fronte ao 12,4 que achegara o ano anterior.

O segundo trimestre foi o máis castigado, debido á parada total polo confinamento, e a previsión para este ano tampouco é optimista. Uns 720.000 empregados víronse afectados pola caída da actividade. Máis da metade están nun ERTE.