A economía europea estase a acelerar dende a primavera grazas ás vacinas, a fin das restricións e a recuperación dos nosos espazos de lecer ou traballo. Este verán xa o notou especialmente o sector turístico e a hostalería do continente. Europa saíu da recesión económica coa chegada da primavera, como se deixase atrás a hibernación causada pola pandemia

Este verán, o tráfico aéreo do continente recuperou de media un 70% do seu volume respecto ao 2019, antes de que o virus contaxiase as nosas vidas. Co avance das vacinacións retiráronse gran parte das restricións e sentímonos máis seguros para viaxar. Este agosto en Italia fixérono en avión como hai dous anos, e en España, Grecia ou Francia, outros grandes destinos turísticos, xa houbo un 90% dos voos que entón.

A economía da zona euro segue arrancando e no segundo trimestre creceu un 2,2%. Máis do que se agardaba e a máis velocidade do que o fan os Estados Unidos e A China, os seus maiores competidores.