A Mesa da Deputación Permanente da Asemblea de Madrid, reunida onte de urxencia, tras admitir a trámite as dúas mocións de censura, e para deixar sen validez a convocatoria electoral, recorre ante o Tribunal Superior de Xustiza de Madrid e presenta medidas cautelarísimas contra a disolución das cortes. O Tribunal ten agora dous días a partir de hoxe para resolver as medidas presentadas. O executivo madrileño di que non ten percorrido porque equivalería a deixar os presidentes sen a facultade de convocar eleccións anticipadas.

Mentres se resolve a lea xurídica e se confirma se haberá eleccións ou moción, evidénciase o divorcio político entre PP e Ciudadanos, un distanciamento que se escenificaba no acto en lembranza ás vítimas do 11M. Inés Arrimadas confirmaba que falara con Casado o mércores para explicarlle a moción de censura en Murcia. 

Ciudadanos non descarta presentar una moción de censura contra a presidenta Ayuso. Anunciouno o portavoz da formación laranxa na Asamblea de Madrid César Zafra.