O Tribunal Superior de Xustiza de Galicia ratificou a sentenza de primeira instancia a 12 anos e 9 meses de cadea para o home que espetou o seu coche no corredor do Morrazo para matar a súa exmuller.

Os xuíces rexeitan a alegación de que non había ánimo de matar por parte do acusado e que o accidente foi consecuencia da dentada que a vítima lle propinou ao seu exmarido, que ameazaba con matala se non lle confesaba que lle fora infiel. Os maxistrados conclúen que a vontade homicida é incuestionable e ratifican a pena.