A sala do Civil do Tribunal Supremo confirmou a sentenza da Audiencia Provincial de Madrid que desestimou a demanda interposta polo exalcalde do Grove Alfredo Bea Gondar contra a editorial e o autor do libro Fariña por intromisión no seu dereito á honra. Considera que neste caso prevalece a liberdade de información sobre o dereito á honra do demandante porque as mencións que se fan ao exrexedor cumpren o requisito da veracidade.

A sala desestimou os recursos de casación e extraordinario por infracción procesal interpostos polo exalcalde contra a sentenza recurrida que, ao igual que a ditada por un xulgado de Collado Villalba, desestimou a demanda de protección da honra que presentou o exalcalde contra eles polo que se dicía del tanto no libro como na campaña de difusión do mismo.

Entre outras cuestións, alegaba que era falsa a información, recollida na páxina 234 do libro, en que se lle atribuía a propiedade dun vehículo en que se trasladarían 300 quilos de droga e que, en contra do que se dicía en Fariña, el nunca formara parte do Partido Popular.