A forte choiva inundou Venecia, que sofre un novo episodio de auga alta. Ninguén activou o sistema de diques construído para protexerse destes asolagamentos.

Na praza de San Marcos a auga chegou a acadar os 145 cm de altura, case metro e medio. A auga asolagou o interior da basílica. E tamén palacios e os negocios. Os comerciantes protestan porque non se levantaron as 58 barreiras que os protexen da marea, a pesar das previsións de mal tempo.

Poucos turistas se atreven a transitar por unhas rúas que máis ca nunca parecen ríos. E nas que as góndolas poden moverse incluso fóra das súas canles.