O Sergas comunica que trasladou cinco pacientes infectados coa covid−19 desde Pontevedra a Vigo Todos foron ingresados no hospital Álvaro Cunqueiro: dous foron á UCI e os tres restantes están en planta.

Todos os hospitais de Galicia teñen en marcha o plan "hospital único", ou, o que é o mesmo, a rede de todos os centros sanitarios galegos está posta ao servizo de calquera paciente da comunidade autónoma que necesite un ingreso e cuxa área de referencia non llo poida facilitar. O CHUVI, o complexo hospitalario universitario de Vigo, está conformado polo Álvaro Cunqueiro, o Meixoeiro e o Nicolás Peña.