O Sergas salienta o aumento da súa actividade na maioría dos servizos en 2018. Segundo os datos que presentaron hoxe, houbo case 32 millóns de consultas, 562.000 máis ca en 2017.

Fixéronse máis de 3 millóns de probas diagnósticas, o que supera en 50.000 as do ano anterior.
Tamén medraron as intervencións cirúrxicas. Houbo preto de 210.000. Case 4.500 máis ca en 2017. O 53% foron ambulatorias.

Houbo arredor de 240.000 ingresos hospitalarios, case 2.500 máis, aínda que se reduciu o tempo medio de estadía.

Aumentaron especialmente as consultas telefónicas. Tamén os transplantes. Pasaron dos 267 de hai dez anos aos 354 do ano pasado.