CRTVG

Buscar

Confirman un novo positivo na variante india do coronavirus nun hospital de Vigo

Publicado o 08/05/2021 22:39

O Sergas confirmou na tarde do sábado un positivo na variante india do coronavirus en Vigo.

Trátase dun varón de 69 anos ingresado no hospital Vithas Fátima por diversas patoloxías e que presentaba ademais síntomas compatibles coa covid 19.

Tras realizárselle unha PCR na que se confirma o positivo, o servizo de microbioloxía do Cunqueiro confirmou a presenza da variante do país asiático tras secuenciar a mostra.

Seguindo o protocolo, realizouse un cribado tanto ao persoal, coma aos pacientes da planta, sen que se atopase ata o momento ningún novo caso. Así mesmo, contactouse cos catro contactos que tivo o paciente.