O Sergas comunica cinco falecementos por covid−19 durante a fin de semana
Publicado o 27/09/2021 20:24
O Sergas notificou este luns o falecemento de cinco persoas que foran diagnosticadas con coronavirus. Con elas, o número de vítimas elévase a 2.634 desde o comezo da pandemia en Galicia.
O pasado día 25 faleceu un home de 73 anos no CHUS. Na xornada de onte perderon a vida dous homes de 73 e 77 anos no Hospital de Monforte —procedentes da residencia DomusVi da mesma vila— e un varón de 90 anos no CHUAC. Nas últimas 24 horas rexistrouse o deceso dun home de 84 anos no CHUO.
Segundo comunica Sanidade, todos eles padecían patoloxías previas.