Unha parte do sector viviu de preto en Bruxelas as negociacións do Consello de Pesca. Por exemplo, Torcuato Teixeira, secretario xeral de Pescagalicia, que cre que o acordo ten máis cousas boas que malas.

Dende a Federación Nacional de Confrarías aseguran tamén que o repartimento é satisfactorio, sobre todo, tendo en conta a dureza das propostas iniciais da Comisión.

O que ven como máis negativo son os recortes dun 40% no xurelo do Cantábrico e un 20% na pescada do Gran Sol.

Como moi positivo destacan os aumentos no xurelo do sur, a xarda e que se abra a porta a mirar como está a cigala, para unha posible reapertura da costeira, despois de tres anos pechada.

E consideran acertado que España buscara unha estratexia conxunta de negociación con Portugal e Francia.