Chegou a España a selección xuvenil de balonmán que gañou a medalla de bronce no Europeo de Croacia. 

Un éxito que nos toca moi de preto, xa que co combinado español participaron tres galegos: Daniel Virulegio, Pablo González e Carlos Álvarez, un dos xogadores máis destacados da selección. Á fronte estivo o adestrador do Cisne Javier Fernández 'Jabato'. 

España pechou a cita continental cunha única derrota, nas semifinais e pola mínima. Na loita polo bronce derrotaron a Eslovenia.