Os británicos sofren estes días a escaseza de combustibles. Hai temor a quedar sen subministración. Hai estacións que están quedando sen subministración de combustible e varios medios din que hoxe o primeiro ministro Boris Jonhson vai convocar o seu gabinete para abordar esta crise.

Estudan recorrer ao Exército para transportar combustible ás gasolineiras, xa que non hai camioneiros que o fagan. Mentres, as autoridades pídenlles aos cidadáns que sexan sensatos á hora de encher os depósitos.

O ministro de Transportes tivo que saír na BBC a pedirlle calma á poboación. O Reino Unido ofrecerá cinco mil visados temporais a transportistas estranxeiros para tratar de paliar esta situación.