O Goberno do Reino Unido elevou o nivel de ameaza terrorista contra os parlamentarios do país pola posibilidade real dun atentado contra algún deles.

A decisión, anunciada pola ministra do Interior no Parlamento, tómase case unha semana despois do asasinato a coiteladas do deputado conservador David Amess.

O nivel de ameaza subiu de moderado a substancial, segundo a escala que manexan as autoridades británicas, que tamén ordenaron revisar as medidas de seguridade para os parlamentarios británicos.