O Reino Unido comunicou este sábado outros 57.725 novos casos de covid-19 rexistrados nas últimas 24 horas, a cifra máis elevada ata a data no conxunto do país desde o comezo da pandemia. Segundo os últimos datos oficiais difundidos hoxe polo ministerio británico de Sanidade, ademais de encadeárense cinco xornadas consecutivas con máis de 50.000 contaxios por día, contabilizáronse outros 445 novos falecementos pola enfermidade, un número menor ca o notificado onte, de 613.

Estas cifras actualizadas elevan a 2.599.789 o número total de positivos por coronavirus no Reino Unido desde o principio da crise, mentres que o número de falecementos pola enfermidade alcanza os 74.570.