Por primeira vez na democracia, unha muller, a candidata socialista, vai tomar o mando de Coruña.

Inés Rey, a candidata do partido socialista será a próxima alcaldesa da Coruña. Empatou con 9 concelleiros coa popular Beatriz Mato, pero a suma cos 6 edís da Marea e os 2 do BNG abren a posibilidade a un goberno de esquerdas en María PIta. O PP, malia gañar os comicios con 400 votos, non sumaría apoios dabondo para gobernar.
O anterior alcalde Xulio Ferreiro, da Marea Atlántica, asumía personalmente o descalabro da súa formación que perdeu 4 concelleiros con respecto das municipais de 2015. Pediu desculpas á veciñanaza visiblemente emocionado.
Os nacionalistas, con Francisco Jorquera á cabeza, suben desta volta un concelleiro e quedan con dous representantes no gobnerno municipal. A cabeza de lista de Ciudadanos, Mónica Martínez senrá a primeira desta formación en formar parte da corporación municipal da Coruña.

O Partido Popular foi a forza máis votada na cidade da Coruña por unha diferencia de 400 votos. A candidatura de Beatriz Mato queda con 9 concelleiros, un menos que nas anteriores eleccións municipais.

Beatriz Mato PPdG "Os coruñeses volveron darlle a victoria ao Partido Popular. Unha vez máis e neste caso co 30,20% o PP é o gañador destas eleccións".

Tamén 9 concelleiros obtén o PSdeG. Os socialistas lograron un aumento de máis de 15.000 votos con respecto aos pasados comicios.

Inés Rey PSdeG-PSOE "A Coruña elixe avanzar e non a imos defraudar. Hoxe os coruñeses e coruñesas elixiron un proxecto de progreso, un proxecto de esquerdas. Puxeron un muro á dereita e á ultradereita para apostar polo progreso".

O actual alcalde, Xulio Ferreiro, foi o gran derrotado da noite. A Marea Atlántica pasa dos 10 concelleiros actuais ata os 6 edís.

Xulio Ferreiro Marea Atlántica "Asumo en primeira persoa a responsabilidade destes resultados e lamento as decepcións que puidesen ter durante estes anos. A todas as persoas que nos retiraron a súa confianza pídolle as miñas desculpas".

O BNG, pola súa banda, gaña un edil con respecto aos anteriores comicios e terá dous representantes en María Pita.

Francisco Jorquera BNG "Son uns resultados moi positivos, tivemos un incremento moi significativo no número de votos e incrementamos a representación. E ademais son uns resultados que se producen nun contexto de subida xeral do BNG".

Ciudadanos entrará por primeira vez no concello coruñés. A súa candidata, Mónica Martíne,z sentíase ilusionada co resultado.

Mónica Martínez Ciudadanos "Conseguimos entrar cunha persoa, neste caso comigo. Estamos moi contentos e a partir de mañá empezar a traballar".

Todo apunta a que Inés Rey se convertirá na próxima rexedora da cidade, pero precisará buscar apoios. A socialista sería a primeira muller alcaldesa electa da democracia na cidade herculina.