O secretario xeral dos socialistas galegos viaxou este martes ao Barco de Valdeorras, onde fixo campaña co alcalde e presidente da Fegamp, Alfredo García, e coa número un ao Congreso na lista do PSdeG por Ourense, Marina Ortega.

Gonzalo Caballero amosouse optimista de cara á cita coas urnas do próximo domingo e insistiu na necesidade de que Pedro Sánchez saia reforzado con respecto aos resultados do 28 de abril.

Nun acto en Valladolid, Sánchez insistiu en que o seu partido é o único que propón aos cidadáns un programa político de esquerdas.