Novos máximos históricos para o prezo da luz, por cuarto día consecutivo. O prezo medio da electricidade no mercado almacenista situouse para mañá xoves, en plena onda de calor, en 115,83 euros megawatt hora e bate o récord histórico por cuarto día consecutivo e supera nun 1,6 % ao anterior.

Se se compara co que se pagou o segundo mércores de agosto de 2020, 40,52 euros/MWh, o prezo almacenista da electricidade, que en España úsase de referencia para calcular a tarifa regulada á que están suxeitos uns 10 millóns de fogares, practicamente triplícase, segundo os datos do operador do mercado ibérico OMIE.

O incremento do prezo da electricidade vén dado fundamentalmete polo aumento do prezo do gas e dos dereitos de emisións de CO2, pero os expertos advirten que non será puntal e o que realmente causa esta situación son as regras que marcan o mercado.

Jorge Morales de Labra, director de Próxima Energía:"O gas está en máximos históricos pero en realidade o problema é das regras de xogo. O mercado maiorista da electricidade o que fai é que amplifica eses problemas e cada unha central ten un prezo caro arrastra as demais. A lei o que permite é que tecnoloxías moi baratas como a hidroeléctrica cobren o prezo do gas ou case o mesmo sen ter case competencia".

Mentres a ministra para a Transición Ecolóxica, Teresa Ribera, pediu á Comisión Europea que se revise o deseño dos mercados enerxéticos pero a Unión Europea defende que o actual sistema é o máis eficiente.

Jorge Morales de Labra, director de Próxima Energía: "Se ti supós que están en competencia efectivamente a Comisión Europea ten razón, o mercado é correcto. O problema é que non hai competencia. O punto de equilibrio é ao meu xuízo que non hai que eliminar o mercado, hai que mantelo, pero nas actividades onde hai competencia no resto de actividades hai que intervir."

Os consumidores están cansos duns prezos que afectan á factura.O prezo da electricidade supón arredor dun 30% do total da factura, o resto son peaxes, cargos e impostos. Precisamente para compensar o aumento, o Goberno aprobou a redución do IVE ata final de ano do 21 ao 10%.