O presidente do grupo automobilístico PSA cre que os gobernos europeos están a ser dogmáticos coa redución de emisións e pide unha transición enerxética sostible que non poña en risco os empregos. 

"Dende o grupo PSA defendemos a neutralidade tecnolóxica e unha transición enerxética sostible e ordenada que non poña en risco o emprego e a actividade nas nosas plantas e polo tanto o futuro dos nosos milleiros de colaboradores", asegurou Carlos Tavares.