Os prezos subiron en maio un 2,7 % en comparación co mesmo mes de 2020, que supón a súa taxa máis alta desde febreiro de 2017. Isto foi debido ao encarecemento da enerxía.

Así o reflicte o indicador adiantado do Instituto Nacional de Estatística publicado este luns. Está marcado polo encarecemento dos carburantes e combustibles, en contraste coa baixada de prezos que se producía no memso mes de 2020.

En taxa mensual, o IPC aumentou un 0,4 % en maio e suma tres meses consecutivos de ascensos. O INE publicará os datos definitivos do IPC de maio o próximo 14 de xuño.

De confirmarse este dato, o encarecemento da enerxía intensificaría en maio a forte repunta de prezos xa rexistrada en marzo e abril tras un 2020 de IPC negativo.