O número de parados rexistrados nas oficinas dos servizos públicos de emprego subiu en 44.436 desempregados en febreiro (+1,1 %), a súa maior alza neste mes desde o ano 2013, cando se incrementou en 59.444 persoas, segundo datos publicados este martes polo Ministerio de Traballo, que atribuíu esta repunta do desemprego ao "forte impacto" da terceira vaga da pandemia e ás "severas restricións" que se impuxeron para freala.

Con este aumento do paro, o quinto consecutivo, o volume total de desempregados alcanzou ao finalizar o segundo mes do ano a cifra de 4.008.789. Non se superaban os catro millóns de parados desde abril de 2016. O dato de paro de febreiro, do mesmo xeito que ocorreu nos meses anteriores, non inclúe os traballadores que se atopan en suspensión de emprego ou redución horaria como consecuencia dun expediente de regulación temporal de emprego (ERTE), xa que a definición de paro rexistrado non os contabiliza como desempregados.

Galicia 

Galicia é unha das tres comunidades autónomas con descenso do desemprego, por detrás do País Vasco e Estremadura. Deste xeito, o total dos desempregados na comunidade galega sitúase en 185.228, que son 18.999 máis que en febreiro de 2020.

Galicia acumula dous meses consecutivos de descensos do desemprego, despois da dimunuicón de 3.603 persoas rexistrada en xaneiro. Con todo, este recorte do paro é de menor incidencia nun mes de febreiro desde 2017.

O número de afiliacións á Seguridade Social en Galicia na comparativa interanual diminuí en 18.324 (-1,81 %), mentres no sistema estatal este descenso foi do 2,08 % (400.117 afiliaciones).

No mes de febrero, o número medio de afiliación á Seguridade Social na comunidad autónoma galega acadou a cifra de 994.029 para o total do sistema, o que supón un aumento respecto ao mes de xaneiro de 2021 de 1.692 afiliacións (0,17 %).