O paro baixou en 39.012 desempregados en abril, o seu maior retroceso neste mes desde o ano 2012, cando só descendeu en 6.632 persoas, segundo datos publicados este mércores polo Ministerio de Traballo, que destacou que nos dous últimos meses preto de 100.000 persoas abandonaron as listas do paro.

Con este descenso, o número total de parados alcanzou ao finalizar abril a cifra de 3.910.628 persoas. O dato de paro de abril non inclúe os traballadores que se atopan en suspensión de emprego ou redución horaria como consecuencia dun expediente de regulación temporal de emprego.

O número de afiliados á Seguridad Social aumentou en 134.396 persoas de media en abril. Segundo os datos publicados polos Ministerios de Traballo e de Seguridade Social, o aumento do emprego eleva o número de cotizantes a 19.055.298.

O paro baixa en 9.941 persoas en Galicia

O paro rexistrado en Galicia baixou 9.941 persoas no mes de abril, un 5,50 %. Isto foi motivado polo impulso da Semana Santa. Deste xeito, o número de desmpregados é de 170.778 persoas, segundo os datos do Ministerio de Traballo e Economía Social. Respecto a abril de 2020, a cifra crece en 20.581 en relación a hai un ano.