Acordo unánime do Parlamento de Galicia para que se aplique o IVE superreducido ao peixe e ao marisco. A iniciativa, presentada polo BNG, demanda ao Goberno central que baixe a carga impositiva destes produtos do 10 % actual ao 4 por cento.

Todos os grupos coincidiron na necesidade de aplicar esta rebaixa por tratarse de produtos de primeira necesidade. Engaden, amais, que a medida sería moi beneficiosa para reactivar o sector pesqueiro e para a saúde da cidadanía.