O Parlamento de Cataluña desafía o Tribunal Constitucional e aproba a moción sobre a autodeterminación. O texto da CUP, que insta a "exercer de forma concreta o dereito de autodeterminación", foi apoiado polos partidos independentistas, e contou coa abstención dos comúns. Ciudadanos, PSC e Partido Popular non participaron na votación, que estaba prevista para esta tarde.

O presidente do Parlament acelerou a súa tramitación para adiantarse á decisión do Constitucional, que case á mesma hora enviaba un correo en que suspendía ese trámite, e advertía por cuarta vez a Roger Torrent.